Bugun “International hotel Tashkent” mehmonxonasida “Axborot xizmatlari faoliyati: ochiqlik, tezkorlik va xolislik bosh mezon” mavzusida milliy konferentsiya bo`lib o`tdi.

Vaqf fondi Matbuot xizmati rahbari Saidabror Umarov ham mazkur konferentsiyada ishtirok etdi.

Tadbirdan ko`zlangan maqsad – 2019 yil 27 iyunda qabul qilingan “Ommaviy axborot vositalari mustaqilligini ta'minlash hamda davlat organlari va tashkilotlari axborot xizmatlari faoliyatini rivojlantirish bo`yicha qo`shimcha chora-tadbirlar to`g`risida”gi PQ–4366-son qarori ijrosini sarhisob qilish, erishilgan yutqularni e'tirof etib, kamchiliklarni bartaraf etish masalalarini muhokama etish hamda matbuot kotiblari o`zaro tajriba almashishi uchun samarali muhit yaratishdir.

Konferentsiyada 180 ga yaqin vazirlik va idoralar, davlat va jamoat tashkilotlari hamda hokimliklar axborot xizmatlari ishtirok etdi.